கொஞ்சம் அதிகமா சிந்திக்கிறோமோ...

மச்சான்... இந்தாடா டீ.

தேங்க்ஸ்டா...

டேய் எனக்கு ஒரு சந்தேகம்டா.

ஒன்ன பத்தி எங்களுக்கு தெரியும்... எதுவா இருந்தாலும் டீ சாப்பிட்டு முடிச்சதுக்கு அப்பறமா கேளு.

இல்ல மச்சான்... இந்தியா வல்லரசு ஆகுமாடா?

டேய் ஏன்டா இப்படியெல்லாம் சிந்திச்சி பழகறீங்க? என்னக் கொஞ்சம் புடிங்கடா. என்னமோ பண்ணுது.

இல்லடா, நம்ம நண்பர் ஒருத்தர் கேட்டுட்டாரு.

அதான பார்த்தேன்...

நாம பதில் சொல்லலேன்னா நல்லா இருக்காதுல்ல.

நீ பதில் சொன்னாலும் நல்லா இருக்காது தான். ஏன்டா ஓசி டீ வாங்கி தந்ததுக்காக நீ என்ன வேணும்னாலும் கேட்டுர்றதா? சரி மத்தவங்க என்ன சொல்றாங்க?

இன்னும் யாரும் பதில் சொல்ல ஆரம்பிக்கல. எல்லாரும் நம்மள மாதிரி தான்னு நெனைக்கறேன்.

சரி நீ என்ன நெனைக்கற?

முன்னாள் ஜனாதிபதி அப்துல் கலாம் 2020 ல இந்தியா வல்லரசு ஆகிடும்னு சொல்லி இருக்காரே!

ஆமாண்டா அவரெல்லாம் ரொம்ப படிச்சவரு, பெரிய விஞ்ஞானி. சொன்னா சரியா தான் இருக்கும். அதையே நீயும் சொல்லிடு.

ஆனா NASA விஞ்ஞானிகள்லாம் 2019 ல ஒரு பெரிய விண்கல் பூமில விழுந்து உயிரினம்லாம் அழிஞ்சிடும்னு சொல்றாங்களே!

அப்படியா ? அது கூட உண்மையா இருக்கலாம் அவங்களும் படிச்சவங்க தான.

ஆனா இந்த நாஸ்ட்ராடமஸ் னு ஒருத்தர் 2016 க்கு அப்புறம் இந்தியா தான் வல்லரசுன்னு 500 வருஷத்துக்கு முன்னாலேயே அடிச்சு சொல்லி இருக்காரே!

ஓஹோ... அவர் பெரிய ஆளாச்சே.

ஆமா... ஆனா ஒரு சில பொருளாதார வல்லுனர்கள் 2015 ல சீனா தான்னு சொல்றாங்க.

டேய் வேண்டாண்டா... டீக்கு வேணும்னா என்னோட அக்கவுண்ட்ல எழுதிக்கோ. முடியல.

இருந்தாலும் இந்த போரிஸ்கா னு ஒரு செவ்வாய் கிரகத்து பையன் சொல்றத பார்த்தா 2012 லேயே ஒரு பெரிய இயற்கை பேரழிவு இருக்கும் போல தெரியுதே!

தப்புதாண்டா... இந்த ஒரு தடவ மன்னிச்சி விட்டுடேன்...

அதுக்கில்ல மச்சான் நம்ம சிதம்பரம் என்ன சொல்றார்னா 2010ல...

அவ்வ்வ்வ்வ்வ்வ்வ்வ்வ்வ்......