சிங்கத்த சீண்டிப் பார்ப்போமா...?

நம்ம சங்கத்து பெரிய சிங்கத்த புரிஞ்சிக்கவே முடியல...

"வல்லரசு" படத்த DVD ல பார்த்துட்டு நம்மள உசுப்பி விட்டுடுச்சி... இங்க அவனவன் நைட் தூக்கத்துல பதிவு, பின்னூட்டம், முன்னோட்டம் னு பினாத்திக்கிட்டு இருக்கானுங்க...

அடிக்கடி குகை வாசல்ல போர்ட மாத்திகிட்டே இருக்கு...

கொஞ்ச நாளைக்கு முன்னாடி வாசல்ல த.மா.சு (DMS) கன்சல்டன்ட் னு போர்டு மாட்டியிருந்திச்சு...

அந்த சமயத்துல திடீர்னு கூட்டமா யார் யாரோ வருவாங்க... சிங்கத்த சுத்தி நின்னு கசமுசானு எதோ பேசுவாங்க... கொஞ்ச நேரத்துல பாத்தா அந்த பதினோரு பேரும் மூணு மணி நேரத்துக்கு சிங்கத்த குத்தகைக்கு எடுத்திருப்பாங்க...
ஏதாவது ஒரு ட்ரெய்னிங் ரூமுக்குள்ள சிங்கம் ஒரு PPT ய நாலாவது தடவையா ஓட்டிக்கிட்டு இருக்கும்.

சரி துக்கம் விசாரிக்கலாம்னு உள்ள போனா அதுல பாதி பேரு Youtube ல சீரியஸ்ஸா எதையோ தேடிக்கிட்டு இருப்பானுங்க. இல்லன்னா வட்டமா உக்கார்ந்து Al-Baik சிக்கன் வெட்டிகிட்டு இருப்பானுங்க...

நமக்கு சிங்கத்தோட விருந்தோம்பல் எப்பவுமே பலமா இருக்கும்... (நாம உள்ள போனதே அதுக்கு தான...)

அவிங்களும் நம்ம பலவீனம் தெரியாம "கம் ஆன் மேன்! டேக் இட்! " னு சொல்லிட்டு பின்னாடி வருத்தப்படுவாய்ங்க...

ஒரு நாள் SD ட்ரெயினிங்ல சரக்கு முடிஞ்சி போயி என்ன பண்றதுன்னு தெரியாம சிங்கத்த வந்து கூப்பிட்டாங்க...

இப்போ திடீர்னு வந்து சொல்றீங்க...?
நா இன்னும் Configuration னே ஆரம்பிக்கல...
அதுக்கப்புறம் டெஸ்ட் பண்ணனும்... Document ரெடி பண்ணனும்... ன்னு என்னென்னவோ சொல்லி பார்த்துச்சி...

"ஜோக் அடிக்காதீங்கண்ணே அதெல்லாம் மெதுவா பார்த்துக்கலாம்... இப்போ வந்து ட்ரெயினிங் மட்டும் எடுங்க போதும்" னு கூலா சொல்லி அழைச்சுட்டு போனாங்க...

"நீங்கதாங்க எங்க Quality Consultant னு அந்த ஆண்டவனே சொல்லிட்டான்னு சொல்லி சிங்கத்து வயித்துலேயே புளியை கரைச்சும், சிங்கம் அசரல... ஏற்கெனவே இருந்த போர்டுக்கு கீழேயே கொல்டி மேனேஜ்மென்ட் னு இன்னொரு போர்டு போட்ருச்சி...

அதுக்கப்புறம் இப்படி ஒரு ஆள் இருக்கற மேட்டர் நம்ம கம்பெனில எப்படியோ பரவி, 'பெரிய தல' வரைக்கும் விஷயம் போய்டுச்சு...

நேரா சிங்கத்துகிட்ட வந்த ''பெரிய தல' " ஆமா உங்க SAPல Solution Manager னு புதுசா ஒரு module வந்துருக்காமே அப்படியா?" னு பிட்ட போட்ருக்கு...

"ஆமா நானும் எங்கேயோ படிச்சிருக்கேன்" னு சிங்கம் எதேச்சையா சொல்லப்போக...

"இத ஏன் நீங்க எங்கிட்ட முன்னாடியே சொல்லல..?" னு ''பெரிய தல' செல்லமா கோவப்பட்டுச்சாம்.

மறு நாள் காலைல சிங்கம் குகை வாசல்ல சுத்தியலோட "கரைச்சல் மேலாண்மை" னு இன்னொரு போர்டு ரெடி பண்ணிக்கிட்டு இருந்துது...

சிங்கம் எவ்வளவு அடிச்சாலும் தாங்குதான்னு சோதிச்சு பார்க்க நெனச்ச நம்ம சின்ன தல ( அவருக்கு மட்டும் ஆசை இருக்காதா என்ன... ) Streeing committee meeting க்கு மொத நாள் KT ரெடி பண்ணி சிங்கத்துக்கு மெயில் பண்ணிட்டு ஊருக்கே CC போட்டுட்டு லாங் லீவுல போய்ட்டாரு...

அந்த ரெண்டு வாரத்துக்கும் கம்பெனி மொபைல் போன்ல கால் வரும்போதெல்லாம் சிங்கத்துக்கு தூக்கி வாரி போடும்.

இப்போ சிங்கம் Multifunctional Consultant ஆய்ட்டதால அத வெளிநாட்டுக்கு அனுப்பி ( சவுதிக்கு இந்தியா வெளி நாடு தான...) "Solution Manager" ல டிரெயினிங் குடுக்கலாம்னு கம்பனில முடிவு செஞ்சாங்க...

சிங்கமும் " சக்சஸ் ! " னு சொல்லிகிட்டே Flight ஏறிப்போச்சு...

டிரெயினிங் முடிச்சி வந்த சிங்கம் "கண்ணன்... BASIS ல என்ன டவுட் இருந்தாலும் எங்கிட்ட கேளுங்க..." னு சொல்லிக்கிட்டு இருந்தது...